ദേശീയ സീനിയർ വനിതാ ഫുട്ബോൾ: ഒരു ദിവസം പിറന്നത് 46 ഗോൾ!
Mail This Article
കോഴിക്കോട്/ കണ്ണൂർ/ മലപ്പുറം∙ ദേശീയ സീനിയർ വനിതാ ഫുട്ബോളിൽ ഇന്നലെ നടന്ന മത്സരങ്ങളിൽ ആകെ പിറന്നത് 46 ഗോളുകൾ. തമിഴ്നാട് – തെലങ്കാന മത്സരത്തിൽ മാത്രം 20 ഗോളുകൾ. തമിഴ്നാട് വനിതകളുടെ കരുത്തിനു മുന്നിൽ ഒരു ഗോൾ പോലും തിരിച്ചടിക്കാൻ കഴിയാതെ തെലങ്കാന കീഴടങ്ങി (20–0).
സന്ധ്യ രംഗനാഥൻ 8 ഗോളുകൾ നേടി. എം.സരിത 4 ഗോളുകളും എ.ദുർഗയും എം.മാളവികയും 3 ഗോളുകൾ വീതവും എസ്.പ്രിയദർശിനി ഒരു ഗോളും നേടി. തെലങ്കാനയുടെ ഒരു താരം സെൽഫ് ഗോളുമടിച്ചു!
മറ്റു ഫലങ്ങൾ: അരുണാചൽ –6 മഹാരാഷ്ട്ര –0; അസം –7 രാജസ്ഥാൻ –0; പഞ്ചാബ് –0 ബംഗാൾ –0; ഹിമാചൽ –3 ബിഹാർ –2; സിക്കിം –5 ജമ്മു കശ്മീർ –0; ജാർഖണ്ഡ് –1 കർണാടക–0; ഡൽഹി–1, ഗോവ–1.
കേരളം– ഉത്തരാഖണ്ഡ് മത്സരം ഇന്ന്
ദേശീയ സീനിയർ വനിതാ ഫുട്ബോളിൽ ആദ്യ ജയം തേടി കേരളം ഇന്നിറങ്ങുന്നു. രാവിലെ 9.30നു കോഴിക്കോട് കോർപറേഷൻ സ്റ്റേഡിയത്തിൽ നടക്കുന്ന മത്സരത്തിൽ ഉത്തരാഖണ്ഡാണ് എതിരാളികൾ. ആദ്യ കളിയിൽ പരാജയപ്പെട്ട കേരളത്തിന് ഇന്നു ജയം അനിവാര്യമാണ്.
English Summary: National Senior Womens Football; 46 Goals on One Day