രാജ്യാന്തര സൗഹൃദ ഫുട്ബോൾ: ബെലാറൂസിനെതിരെ ഇന്ത്യയ്ക്കു തോൽവി

മനാമ ∙ രാജ്യാന്തര സൗഹൃദ ഫുട്ബോൾ മത്സരത്തിൽ ഇന്ത്യയ്ക്കു വീണ്ടും തോൽവി. ബെലാറൂസിനോട് 0–3നാണ് തോൽവി വഴങ്ങിയത്. ആദ്യ മത്സരത്തിൽ ബഹ്റൈനോടു 1–2നു തോറ്റ ഇന്ത്യൻ നിരയിൽ 7 മാറ്റങ്ങൾ വരുത്തിയാണ് കോച്ച് ഇഗോർ സ്റ്റിമാച്ച് ടീമിനെ കളത്തിലിറക്കിയതെങ്കിലും ബെലാറൂസിനു മുന്നിൽ അതൊന്നും വിലപ്പോയില്ല.

മലയാളി താരം വി. പി. സുഹൈറിന് ഇത്തവണയും ആദ്യ ഇലവനിൽ കോച്ച് അവസരം നൽകി.  ബൈകാവു അർസ്റ്റേം (48), സലാവേയ് ആന്ദ്രേ (68), ഹ്രമ്യക വലേരി (90+1) എന്നിവരാണു ബെലാറൂസിനായി ഗോൾ നേടിയത്. ഏഷ്യൻ കപ്പ്  യോഗ്യതാ റൗണ്ടിനുള്ള സന്നാഹമായിരുന്നു  ഇന്ത്യയ്ക്ക് മത്സരങ്ങൾ.

English Summary: India vs Belarus football Match result