ബാർസയ്ക്ക് ഹാട്രിക് തോൽവി

ബാർസിലോന ∙ സ്വന്തം മൈതാനമായ നൂകാംപിൽ ബാർസിലോനയ്ക്കു തുടരെ 3–ാം തോൽവി. റയോ വയ്യെക്കാനോയാണ് ബാർസയെ 1–0നു മുട്ടുകുത്തിച്ചത്. കളിയുടെ 7–ാം മിനിറ്റിൽ അൽവാരോ ഗാർഷ്യ റിവേരയാണ് ഗോൾ നേടിയത്. 

 ബാർസയുടെ തോൽവിയോടെ റയൽ മഡ്രിഡ് ലാ ലിഗ ഫുട്ബോൾ കിരീടത്തിന് തൊട്ടരികിലെത്തി. ഇനിയുള്ള 5 കളികളിൽനിന്ന് ഒരു പോയിന്റ് നേടിയാൽ റയലിനു കിരീടം ചൂടാം. 

ശനിയാഴ്ച എസ്പന്യോളിനെതിരെയാണ് റയലിന്റെ അടുത്ത മത്സരം. തോൽവി ബാർസയുടെ 2–ാം സ്ഥാനത്തിനും ഭീഷണിയായി. 

 5 കളികൾ ശേഷിക്കെ മൂന്നാമതുള്ള സെവിയ്യയ്ക്കും ബാർസയ്ക്കൊപ്പം 63 പോയിന്റുണ്ട്. നാലാമതുള്ള അത്‌ലറ്റിക്കോ മഡ്രിഡിന് 61 പോയിന്റും. 

English Summary: La Liga:  Barcelona make horrible history