ഫിഫ റാങ്കിങ്: ഇന്ത്യയ്ക്ക് മുന്നേറ്റം

ന്യൂഡൽഹി ∙ രാജ്യാന്തര ഫുട്ബോൾ സംഘടനയായ ഫിഫയുടെ ലോക റാങ്കിങ്ങിൽ ഇന്ത്യൻ പുരുഷ ടീമിനും വനിതാ ടീമിനും മുന്നേറ്റം. 2 പടികൾ മുന്നോട്ടു കയറിയ പുരുഷ ടീം 104–ാം സ്ഥാനത്തെത്തി. വനിതാ ടീം 3 സ്ഥാനങ്ങൾ കയറി 56–ാം റാങ്കിലെത്തി. പുരുഷൻമാരിൽ ലോകകപ്പ് പ്ലേഓഫിൽ മത്സരിച്ച ന്യൂസീലൻഡിനു (103) തൊട്ടു പിന്നിലാണ് ഇന്ത്യ. പുരുഷ റാങ്കിങ്ങിൽ ബ്രസീലും വനിതകളിൽ യുഎസ്എയും ഒന്നാം സ്ഥാനം നിലനിർത്തി. 

English Summary: India jump two places to 104 in FIFA ranking