ഫിഫയോട് ചിലെ; ഇക്വഡോറിന്റെ കാര്യം വേഗമാകട്ടെ!

ദോഹ ∙ ഇക്വഡോറിനെ ഖത്തർ ലോകകപ്പിൽ നിന്ന് അയോഗ്യരാക്കണമെന്ന തങ്ങളുടെ പരാതി വേഗം തീർപ്പാക്കണമെന്ന് ചിലെ ലോക ഫുട്ബോൾ ഭരണസമിതിയായ ഫിഫയോട് ആവശ്യപ്പെട്ടു. തെക്കേ അമേരിക്കൻ യോഗ്യതാ റൗണ്ടിൽ പൗരത്വ യോഗ്യതയില്ലാത്ത താരത്തെ കളിപ്പിച്ചുവെന്നു പറഞ്ഞാണ് ഇക്വഡോറിനെതിരെ  ചിലെ പരാതി നൽകിയത്. കൊളംബിയയിൽ ജനിച്ച ബൈറൺ കാസ്റ്റില്ലോയെ കളിപ്പിച്ചതിനെത്തുർന്നായിരുന്നു പരാതി. തെക്കേ അമേരിക്കൻ യോഗ്യതാ റൗണ്ടിൽ ഏഴാമതായിപ്പോയ ചിലെ ലോകകപ്പിനു യോഗ്യത നേടിയിരുന്നില്ല. നാലാം സ്ഥാനക്കാരായി യോഗ്യത നേടിയ ഇക്വഡോർ ലോകകപ്പിൽ ഖത്തർ, സെനഗൽ, നെതർലൻഡ്സ് എന്നിവരുൾപ്പെടുന്ന എ ഗ്രൂപ്പിലാണ്.

English Summary: Chile urges FIFA to speed up Ecuador World Cup player decision