ചെന്നൈയിൻ– ബെംഗളൂരു സമനില

 ചെന്നൈ ∙ ഐഎസ്എൽ ഫുട്ബോളിൽ ചെന്നൈയിൻ എഫ്സിയും ബെംഗളൂരു എഫ്സിയും തമ്മിൽ നടന്ന മത്സരം സമനിലയായി (1–1). കളിയുടെ 5–ാം മിനിറ്റിൽ റോയ് കൃഷ്ണയുടെ ഗോളിൽ ബെംഗളൂരു മുന്നിലെത്തി. എന്നാൽ, കേരള ബ്ലാസ്റ്റേഴ്സിൽനിന്ന് ഈ സീസണിൽ ചെന്നൈയിനിൽ എത്തിയ കെ. പ്രശാന്തിന്റെ ഗോളിൽ ചെന്നൈ സമനില പിടിച്ചു. രണ്ടാം പകുതിയിൽ ഗോൾകീപ്പർ ദേബ്ജിത്ത് മജുംദാർ ചുവപ്പുകാർഡ് കണ്ടതിനെത്തുടർന്ന് ചെന്നൈയിൻ 10 പേരുമായാണു മത്സരം പൂർത്തിയാക്കിയത്. 21ന് എഫ്സി ഗോവയ്ക്കെതിരെയാണ് ചെന്നൈയുടെ അടുത്ത മത്സരം. ബെംഗളൂരു 22ന് ഹൈദരാബാദ് എഫ്സിയെ നേരിടും.

English Summary: ISL football: Chennaiyin FC vs Bengaluru FC