കസീമിറോയ്ക്ക് ഡബിൾ; യുണൈറ്റഡ് പ്രീക്വാർട്ടറിൽ

മാഞ്ചസ്റ്റർ ∙ ബ്രസീലിയൻ താരം കാർലോസ് കസിമീറോയുടെ ഇരട്ടഗോളിൽ റെഡിങ്ങിനെ 3–1നു തോൽപിച്ച് മാഞ്ചസ്റ്റർ യുണൈറ്റ‍ഡ് എഫ്എ കപ്പ് ഫുട്ബോൾ പ്രീക്വാർട്ടറിൽ. 54,58 മിനിറ്റുകളിലായിരുന്നു ഡിഫൻസീവ് മിഡ്ഫീൽഡറായ കസീമിറോയുടെ ഗോളുകൾ. പകരക്കാരനായി ഇറങ്ങിയ മറ്റൊരു ബ്രസീലിയൻ താരം ഫ്രെഡ് 66–ാം മിനിറ്റിൽ മൂന്നാം ഗോൾ നേടി. പ്രിസ്റ്റൺ നോർത്ത് എൻഡിനെ 3–0ന് തകർത്ത് ടോട്ടനം ഹോട്സ്പറും പ്രീക്വാർട്ടറിലെത്തി. സൺ ഹ്യൂങ് മിൻ ഇരട്ടഗോൾ നേടി. ക്ലബ്ബിനു വേണ്ടി അരങ്ങേറ്റ മത്സരം കളിച്ച അർനോട് ഡാൻജൂമ 3–ാം ഗോൾ നേടി.

English Summary: fa cup football update