റയലിനു ജയം; വിനീസ്യൂസിന് പിന്തുണ

മഡ്രിഡ് ∙ സ്പാനിഷ് ലാ ലിഗ ഫുട്ബോളിൽ റയൽ മഡ്രിഡ് 2–1ന് റയോ വയ്യകാനോയെ തോൽപിച്ച മത്സരത്തിൽ ആരാധകർ തിരഞ്ഞതു ബ്രസീൽ താരം വിനീസ്യൂസിനെയാണ്. കഴിഞ്ഞ ദിവസം വലൻസിയയ്ക്ക് എതിരായ മത്സരത്തിനിടെ വംശീയാധിക്ഷേപത്തിന് ഇരയായ താരത്തിന് ആദരമർപ്പിച്ചായിരുന്നു മത്സരത്തിന്റെ തുടക്കം. ക്ലബ് വിശ്രമം അനുവദിച്ചതിനാൽ ടീം ജഴ്സിയിലല്ലാതെ കളത്തിലെത്തിയ വിനീസ്യൂസ് കാണികളെ കയ്യടിച്ച് പ്രത്യഭിവാദ്യം ചെയ്തു. കരിം ബെൻസേമ, റോഡ്രിഗോ എന്നിവരുടെ ഗോളുകളിലായിരുന്നു റയലിന്റെ വിജയം.

English Summary: Real Madrid wins;Support for Vinesius