ഇറ്റലിയെ 1–0ന് കീഴടക്കി, അണ്ടർ 20 ലോകകപ്പ് കിരീടം യുറഗ്വായ്ക്ക്

ലാ പ്ലാറ്റ (അർജന്റീന) ∙ ഇറ്റലിയെ 1–0ന് കീഴടക്കി ഫിഫ അണ്ടർ 20 ഫുട്ബോൾ കിരീടം യുറഗ്വായ് സ്വന്തമാക്കി. യുവലോകകപ്പിൽ തുടർച്ചയായി ജേതാക്കളാകുന്ന യൂറോപ്യൻ ടീമുകളുടെ ആധിപത്യം അവസാനിപ്പിച്ചാണ് ദക്ഷിണ അമേരിക്കൻ രാജ്യമായ യുറഗ്വായുടെ കിരീടധാരണം.

86–ാം മിനിറ്റിൽ ലൂസിയാനോ റോഡ്രിഗസാണ് യുറഗ്വായുടെ വിജയഗോൾ നേടിയത്. മത്സരത്തിലുടനീളം യുറഗ്വായ് പുലർത്തിയ മേധാവിത്വത്തിന്റെ തുടർച്ചയായിരുന്നു ലൂസിയാനോയുടെ ഗോൾ. നേരത്തേ, ദക്ഷിണ കൊറിയയെ 3–1നു തോൽപിച്ച ഇസ്രയേൽ മൂന്നാം സ്ഥാനവും സ്വന്തമാക്കി.

English Summary: Uruguay beat Italy 1-0 to win U-20 World Cup title