ഭുവനേശ്വർ ∙ ബ്രസീലിയൻ സ്ട്രൈക്കർ ഡിയേഗോ മൗറീഷ്യോയുടെ ഗോളിന്റെ മികവിൽ ഐഎസ്എൽ ഫുട്ബോളിൽ നോർത്ത് ഈസ്റ്റ് യുണൈറ്റഡിനെ 1–0ന് തോൽപിച്ച് ഒഡീഷ എഫ്സി. ബോൾ പൊസഷനിലും പാസുകളിലും മുന്നിട്ടുനിന്ന ഒഡീഷയ്ക്കായി 37–ാം മിനിറ്റിലാണ് മൗറീഷ്യോ ലക്ഷ്യം കണ്ടത്. ജയത്തോടെ 6 മത്സരങ്ങളിൽ നിന്ന് 10 പോയിന്റുമായി ഒഡീഷ പോയിന്റ് പട്ടികയിൽ നാലാമതാണ്. 4 മത്സരങ്ങളിൽ 12 പോയിന്റുള്ള മോഹൻ ബഗാനാണ് ഒന്നാമത്.