ന്യൂഡൽഹി ∙ അരുണാചൽ പ്രദേശിൽ നടക്കുന്ന സന്തോഷ് ട്രോഫി മത്സരങ്ങൾക്കു ഫിഫയുടെ പിന്തുണയുണ്ടാകുമെന്ന് അഖിലേന്ത്യാ ഫുട്ബോൾ ഫെഡറേഷൻ (എഐഎഫ്എഫ്) പ്രസിഡന്റ് കല്യാൺ ചൗബെ. ‘ഫിഫ സന്തോഷ് ട്രോഫി’യെന്നാകും മത്സരം അറിയപ്പെടുക.  മാർച്ചിൽ നടക്കുന്ന സന്തോഷ് ട്രോഫി ഫൈനലിൽ ഫിഫ പ്രസിഡന്റ് ജിയാനി ഇൻഫന്റിനോയും പങ്കെടുക്കും. മാർച്ച് ഒൻപതിനോ പത്തിനോ ആയിരിക്കും ഫൈനൽ. സൂപ്പർ കപ്പ് ഫുട്ബോളിന് ഇത്തവണ ഒഡീഷ വേദിയാകും. ഫിഫ ടാലന്റ് ഡവലപ്മെന്റ് സ്കീമിന്റെ ചുമതലക്കാരനും മുൻ ആർസനൽ പരിശീലകനുമായ ആർസീൻ വെംഗർ 19 മുതൽ 23 വരെ ഇന്ത്യയിൽ സന്ദർശനം നടത്തും.