പുതുചരിത്രം രചിച്ച് ഗോകുലം കേരളാ എഫ് സി

ബാങ്കോക് : എ എഫ് സി വിമൻസ് ക്ലബ് ചാമ്പ്യൻഷിപ്പിൽ ഗോകുലം കേരള എഫ് സിക്ക് ചരിത്രവിജയം. ബാങ്കോക്  എഫ് സിയെ 3 ന് എതിരെ 4 ഗോളുകൾക്ക് തകർത്തു. ഓരോ തവണയും പിന്നിൽ നിന്നശേഷമാണ് തുടരെയുള്ള അക്രമണങ്ങളിലൂടെ ഗോകുലം ലീഡ് നേടിയെടുത്തത്, ആദ്യപകുതിയിൽ സ്കോർ 2 -1 എന്ന നിലയിൽ ബാങ്കോക്  ടീമിന് അനുകൂലമായിരുന്നു എന്നാൽ ഗോകുലം കേരള യുടെ വിദേശതാരമായ വെറോണിക്ക ആപ്പിയാഹ് നേടിയ ഹാട്രിക്ക് ടീമിന് മിന്നും വിജയം നൽകുകയായിരുന്നു.

മുന്പും എ എഫ് സി വിമൻസ് ക്ലബ് ചാമ്പ്യൻഷിപ്പിൽ മത്സരിച്ച ഗോകുലത്തിന്റെ മികച്ച റിസൾട്ടാണിത്. നാലു ടീമുകളിലൂടെ ടേബിളിൽ ഗോകുലം 2 ആം സ്ഥാനത് ഫിനിഷ് ചെയ്‌തത്‌ , ഒന്നാം സ്ഥാനം നേടിയ ഉറവ റെഡ് (ജപ്പാൻ )ആണ് അടുത്ത സ്റ്റേജിലേക്ക് എൻട്രി നേടിയ ഏക ടീം ലീഗിൽ ഗോകുലം ഉറവ റെഡിനോട് മാത്രമാണ് തോറ്റത്.

ഇറാനിയൻ താരം ഹാജർ ദബാഗിയാണ് ഗോകുലത്തിൻവേണ്ടി ആദ്യപകുതിയിൽ ഗോൾ നേടിയത് , ആദ്യാവസാനം ടീം സ്പിരിറ്റിൽ മുന്നേറിയ ഗോകുലത്തിന് അനിവാര്യമായ വിജയം കിട്ടുകയായിരുന്നു.എ എഫ് സി മെൻ ആൻഡ് വിമെൻ വിഭാഗങ്ങിൽ പങ്കെടുത്ത ഒരേയൊരു ഇന്ത്യൻ ടീമാണ് ഗോകുലം കേരളം എഫ് സി