ഗോകുലം മുന്നേറ്റ നിരയ്ക്കു കരുത്താവാൻ അബ്ദു ലുമാല വരുന്നു; യുഗാണ്ട ദേശീയ ടീമിൽ അംഗം

കോഴിക്കോട് ∙ ഗോകുലത്തിന്റെ മുന്നേറ്റ നിരയ്ക്കു കരുത്താവാൻ യുഗാണ്ടയിൽനിന്ന് അബ്ദു ലുമാല വരുന്നു. ക്രൊയേഷ്യൻ ക്ലബ്ബായ സ്ലേവൻ ബെലുപോയുടെ സ്ട്രൈക്കറാണ്.  

യുഗാണ്ട ദേശീയ ടീമിലെ അംഗമായ അബ്ദു ലുമാല ഈജിപ്തിലെ പിരമിഡ്‌സ് എഫ്‌സി, സ്വീഡനിലെ കൽമർ എഫ്എഫ് തുടങ്ങിയ ശ്രദ്ധേയമായ ക്ലബ്ബുകൾക്കു വേണ്ടിയും കളിച്ചിട്ടുണ്ട്.

രാജ്യാന്തര ക്ലബ് ഫുട്ബോളിൽ ലുമാലയുടെ അനുഭവസമ്പത്ത് ഗോകുലത്തിനു കരുത്താവുമെന്ന് ക്ലബ് പ്രസിഡന്റ് വി.സി.പ്രവീൺ പറഞ്ഞു.