ചെൽസിയെ അട്ടിമറിച്ച് ഇപ്സ്‌വിച്ച്

ലണ്ടൻ ∙ ഇംഗ്ലിഷ് പ്രിമിയർ ലീഗ് ഫുട്ബോളിൽ ഇപ്സ്‌വിച്ച് ടൗൺ 2–0ന് ചെൽസിയെ അട്ടിമറിച്ചു. പോയിന്റ് പട്ടികയിൽ 18–ാം സ്ഥാനത്തുള്ള ടീമാണ് ഇപ്സ്‌‌വിച്ച്. ചെൽസി നാലാമതും. ജയിച്ചിരുന്നെങ്കിൽ രണ്ടാം സ്ഥാനത്ത് എത്താമായിരുന്നു. മാഞ്ചസ്റ്റർ യുണൈറ്റഡിനെ 2–0ന് തോൽപിച്ച ന്യൂകാസിൽ 5–ാം സ്ഥാനത്തേക്കു കയറി. മാഞ്ചസ്റ്ററിന്റെ മൈതാനമായ ഓൾഡ് ട്രാഫഡിൽ അലക്സാണ്ടർ‍ ഇസാക് (4–ാം മിനിറ്റ്), ജോലിൻടൺ (19) എന്നിവരാണ് ന്യൂകാസിലിനായി ഗോൾ നേടിയത്.