സന്തോഷ് ട്രോഫി ഫുട്ബോൾ: സെമിയിലെ ‘ചുവപ്പ്’ കേരളത്തെ ചതിച്ചു

ഹൈദരാബാദ് ∙ സെമിയിലെ മോശം റഫറിയിങ്ങും കേരള ഡിഫൻഡർ എം. മനോജിനു നൽകിയ ചുവപ്പുകാർഡുമാണ് ടീമിനെ ഫൈനലിൽ ബാധിച്ചതെന്ന് മുഖ്യപരിശീലകൻ ബിബി തോമസ് മുട്ടത്ത്. 

മനോജിനെതിരെ അനാവശ്യമായ ചുവപ്പുകാർഡാണ് സെമിയിൽ നൽകിയത്. കിക്കെടുക്കാൻ വൈകി എന്നാരോപിച്ചായിരുന്നു കളി തീരാനിരിക്കെ രണ്ടാം മഞ്ഞക്കാർഡ് നൽകിയത്.  ഒരു കളിക്കാരന്റെ എല്ലാ പ്രയത്നങ്ങളെയും നിഷ്പ്രഭമാക്കുന്നതായിരുന്നു ആ ചുവപ്പുകാർഡ്. ചുവപ്പുകാർഡിനെതിരെ അഖിലേന്ത്യാ ഫുട്ബോൾ ഫെഡറേഷന് കേരളം പരാതി നൽകിയിട്ടുണ്ട്. ഫൈനലിൽ ജയിച്ചാലും മോശം റഫറിയിങ്ങിനെതിരെ പരാതിയുമായി പോവുമായിരുന്നുവെന്നും കോച്ച് ബിബി തോമസ് പറഞ്ഞു.