ഇൻജറി ടൈമിൽ 2 ഗോളടിച്ച് വൻ തിരിച്ചുവരവ്; ചെന്നൈയിൻ എഫ്സിക്കെതിരെ കൊൽക്കത്ത മുഹമ്മദൻസിനു സമനില

Mail This Article
×
കൊൽക്കത്ത ∙ ഇൻജറി ടൈം മാജിക്കിൽ ഐഎസ്എൽ ഫുട്ബോളിൽ കൊൽക്കത്ത മുഹമ്മദൻസിനു സമനില. ചെന്നൈയിൻ എഫ്സിക്കെതിരായ മത്സരത്തിൽ രണ്ടാം പകുതിയുടെ ഇൻജറി ടൈം വരെ 2 ഗോളിനു പിന്നിലായിരുന്ന മുഹമ്മദൻസ് പിന്നീടു 2 ഗോളുകൾ തിരിച്ചടിക്കുകയായിരുന്നു (2–2).
പത്താം മിനിറ്റിൽ സെന്റർ ബാക്ക് ഡിൻപുയിയും 49–ാം മിനിറ്റിൽ മിഡ്ഫീൽഡർ ലൂക്കാസ് ബ്രാംബില്ലയും നേടിയ ഗോളുകളിൽ ചെന്നൈയിൻ 2–0 ലീഡെടുത്തു. എന്നാൽ, രണ്ടാം പകുതിയുടെ ഇൻജറി ടൈമിൽ (90+5) മൻവീർ സിങ്ങിലൂടെ മുഹമ്മദൻസ് ആദ്യ ഗോൾ മടക്കി. 5 മിനിറ്റിനകം ദിൻപുയിയ ചുവപ്പുകാർഡ് കണ്ടു പുറത്തായി.
പെനൽറ്റിയെടുത്ത ലാൽറെംസങ്ക ഫെനായി മുഹമ്മദൻസിന്റെ സമനില ഗോൾ നേടി (2–2). പട്ടികയിൽ പത്താം സ്ഥാനത്താണു ചെന്നൈയിൻ; മുഹമ്മദൻസ് 12–ാം സ്ഥാനത്തും.
English Summary:
ISL: Injury time goals propelled Mohammedan SC to a dramatic 2-2 draw against Chennaiyin FC in the ISL. Manvir Singh and Lalremsanga Fena's late strikes cancelled out Chennaiyin's early lead, resulting in a thrilling comeback.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.