സൂപ്പർ താരം ലയണൽ മെസ്സി ഇല്ലാതെ ഇറങ്ങിയ ഇന്റർ മയാമിക്ക് തിരിച്ചടി; എഫ്സി ഡാലസിനോട് 4–3ന് തോറ്റു
Mail This Article
×
ഫോർട്ട് ലോഡർഡേൽ ∙ സൂപ്പർ താരം ലയണൽ മെസ്സി ഇല്ലാതെ ഇറങ്ങിയ ഇന്റർ മയാമിക്ക് മേജർ ലീഗ് സോക്കർ (എംഎൽഎസ്) മത്സരത്തിൽ തോൽവി. എഫ്സി ഡാലസാണ് 4–3ന് മയാമിയെ വീഴ്ത്തിയത്. ആദ്യ പകുതിയിൽ 2–1ന് മുന്നിട്ടുനിന്ന ശേഷമാണ് രണ്ടാം പകുതിയിൽ മയാമി 3 ഗോളുകൾ വഴങ്ങിയത്.
ഈ എംഎൽഎസ് സീസണിൽ മയാമിയുടെ ആദ്യ തോൽവിയാണിത്. 9 മത്സരങ്ങളിൽ 5 ജയവുമായി അഞ്ചാം സ്ഥാനത്താണ് മയാമി ഇപ്പോൾ.
കഴിഞ്ഞ ദിവസം നടന്ന കോൺകകാഫ് ചാംപ്യൻസ് കപ്പ് ഫുട്ബോൾ സെമിഫൈനൽ ആദ്യ പാദത്തിൽ വാൻകൂവറിനെതിരെയും മയാമി 2–0 തോൽവി വഴങ്ങിയിരുന്നു. ഇതിനു പിന്നാലെയാണ് എംഎൽഎസ് മത്സരത്തിൽ മെസ്സിക്കു വിശ്രമം അനുവദിച്ചത്. മേയ് ഒന്നിനാണ് സെമിഫൈനൽ രണ്ടാം പാദം.
English Summary:
Inter Miami suffers their first MLS defeat of the season, losing 4-3 to FC Dallas without Lionel Messi. The loss follows a Concacaf Champions Cup semi-final defeat, leading to Messi's rest.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.