ഇന്തൊനീഷ്യയിൽ സൈന വീണു; സിന്ധു മുന്നോട്ട്

ജക്കാർത്ത ∙ ഇന്തൊനീഷ്യ മാസ്റ്റേഴ്സ് സൂപ്പർ 500 ബാഡ്മിന്റൻ ചാംപ്യൻഷിപ്പിൽ ലോകചാംപ്യൻ പി.വി.സിന്ധു രണ്ടാം റൗണ്ടിൽ കടന്നു. നിലവിലെ ചാംപ്യൻ സൈന നെഹ്‌വാൾ ആദ്യ റൗണ്ടിൽ പുറത്തായി. 

ഇന്ത്യൻ താരങ്ങളായ ബി.സായ്പ്രണീത്, കിഡംബി ശ്രീകാന്ത്, സൗരഭ് വർമ എന്നിവരും ആദ്യ റൗണ്ടിൽ പുറത്തായി. ജപ്പാന്റെ അയ ഒഹോരിയെ കടുത്ത പോരാട്ടത്തിൽ മറികടന്നാണ് സിന്ധു വിജയിച്ചത്. ടൂർണമെന്റിൽ അഞ്ചാം സീഡായ സിന്ധു 14–21 , 21–15, 21–11 നു ജയം നേടി. കഴിഞ്ഞയാഴ്ച നടന്ന മലേഷ്യ മാസ്റ്റേഴ്സിലും ഒഹോരി സിന്ധുവിനോടു തോറ്റിരുന്നു. സൈനയെ തോൽപിച്ച ജപ്പാന്റെ സായക തകഹാഷിയാണു സിന്ധുവിന്റെ അടുത്ത എതിരാളി. സായകയോട് 21–19,13–21, 5–21 നാണ് സൈന തോറ്റത്. 

English Summary: Saina crashes out in Indonesian Masters badminton