ഇന്ത്യൻ ഹോക്കി അനലറ്റിക്കൽ കോച്ച് രാജിവച്ചു

ന്യൂഡൽഹി ∙ ടോക്കിയോ ഒളിംപിക്സിനൊരുങ്ങുന്ന ഇന്ത്യൻ ഹോക്കി ടീമിനു വീണ്ടും തിരിച്ചടി. മുൻ ഓസ്ട്രലിയൻ താരം കൂടിയായ അനലറ്റിക്കൽ കോച്ച് ക്രിസ് സിറിയെലോ രാജിവച്ചു. ഹൈ പെർഫോമൻസ് ഡയറക്ടർ ഡേവിഡ് ജോൺ രാജിവച്ചു ദിവസങ്ങൾക്കകമാണ് പുതിയ സംഭവം. മുപ്പത്തിനാലുകാരനായ സിറിയെലോ ജൂണിൽ ഓസ്ട്രേലിയയിലേക്കു മടങ്ങിയിരുന്നു. അവധി കഴിഞ്ഞ് ബെംഗളൂരുവിലെ സായ് സെന്ററിൽ ഇന്ത്യൻ താരങ്ങളുടെ ക്യാംപ് പുനരാരംഭിച്ചെങ്കിലും സിറിയെലോ തിരിച്ചെത്തിയില്ല. തുടർന്നാണ് ആരോഗ്യകാരണങ്ങളാൽ ജോലിയിൽ തുടരുന്നില്ലെന്ന് അദ്ദേഹം അറിയിച്ചത്.