മനോരമ ‘ബോൺ സാന്തേ’ റജിസ്ട്രേഷൻ തുടരുന്നു

ആരോഗ്യസംരക്ഷണത്തിനു പുതുവഴികൾ തേടുന്നവർക്കായി ഒരുക്കുന്ന മനോരമ ‘ബോൺ സാന്തേ’ വെൽനെസ് ചാലഞ്ചിന്റെ റജിസ്ട്രേഷൻ തുടരുന്നു. ഫെബ്രുവരി 15 മുതൽ 21 വരെയാണു ചാലഞ്ച്. ഈ സമയപരിധിക്കുള്ളിൽ നിശ്ചിത ലക്ഷ്യം കൈവരിക്കുകയാണു ചാലഞ്ചിന്റെ ലക്ഷ്യം. ഓട്ടം, നടത്തം വിഭാഗങ്ങളിൽ  14, 21, 42 കിലോമീറ്റർ എന്നീ ചാലഞ്ചുകളാണുള്ളത്.

5 വയസ്സ് മുതലുള്ളവർക്കു പങ്കെടുക്കാം. 18 വയസ്സിനു മുകളിലുള്ളവർക്കായി 100 കിലോമീറ്റർ സൈക്ലിങ് ചാലഞ്ചുമുണ്ട്. വീട്ടിനുള്ളിലോ മുറ്റത്തോ കളിസ്ഥലങ്ങളിലോ ചാലഞ്ചിൽ പങ്കെടുക്കാം.  

ചാലഞ്ചിൽ പങ്കെടുക്കാനും പുരോഗതി അളക്കാനുമായി പ്ലേ സ്റ്റോറിലും ആപ് സ്റ്റോറിലും ലഭിക്കുന്ന ഏതു ഫിറ്റ്നസ് ആപ്ലിക്കേഷനും ഉപയോഗിക്കാം. റജിസ്ട്രേഷന്: www.manoramaevents.com. മിസ്ഡ് കോളിലൂടെയും റജിസ്റ്റർ ചെയ്യാം: 9603502502. കൂടുതൽ വിവരങ്ങൾക്ക്: 9995960500, 9847058421.