sections
MORE

ഇടിക്കിടെ കാനഡ താരത്തിന്റെ വിരലറ്റു; കിട്ടിയത് എതിരാളിയുടെ ഗ്ലൗസിൽനിന്ന്!

khetag-pliev
കാനഡയുടെ ഖേതാഗ് പ്ലീവിന്റെ വിരൽ അറ്റു പോയതിനെ തുടർന്ന് മത്സരം നിർത്തിവച്ചപ്പോൾ (ട്വിറ്റർ ചിത്രം)
SHARE

ന്യൂയോർക്ക് ∙ ഫിലഡൽഫിയയിൽ നടന്ന മിക്സ്ഡ് മാർഷ്യൽ ആർട്സ് (എംഎംഎ) പോരാട്ടത്തിനിടെ മത്സരാർഥിയുടെ കൈവിരൽ അറ്റുപോയി; തിരച്ചിലിനൊടുവിൽ വിരൽ കണ്ടെത്തിയത് എതിരാളിയുടെ ഗ്ലൗസിനുള്ളിൽ. അടിയന്തര ശസ്ത്രക്രിയയ്ക്കൊടുവിൽ വിരൽ പിന്നീടു തുന്നിച്ചേർത്തു. കാനഡയുടെ ഖേതാഗ് പ്ലീവും യുഎസിന്റെ ഡെവിൻ ഗൂഡെയ്‌ലും തമ്മിലുള്ള പോരാട്ടത്തിനിടെയാണു സംഭവം. പ്ലീവിനാണു പരുക്കേറ്റത്.

മത്സരത്തിന്റെ ആദ്യ റൗണ്ടിൽ പ്ലീവിന്റെ വലത്തേ കയ്യിലെ വിരലുകളിലൊന്ന് ഉളുക്കിയിരുന്നു. എന്നാൽ, വേദന വകവയ്ക്കാതെ മത്സരം തുടരാൻ പ്ലീവ് തീരുമാനിച്ചു. 2–ാം റൗണ്ടിൽ വിരൽ മുറിഞ്ഞെന്നു വ്യക്തമായതോടെ മത്സരം നിർത്തി. ഗൂഡെയ്‌ലിനെ വിജയിയായി പ്രഖ്യാപിച്ചശേഷം പ്ലീവിനെ ആശുപത്രിയിലേക്കു മാറ്റി.

അറ്റുപോയ വിരൽ കണ്ടെത്താൻ സഹായിക്കണമെന്നു പിന്നാലെ റിങ്ങിൽ അനൗൺസ്മെന്റും മുഴങ്ങി. തന്റെ വിരൽ എവിടെപ്പോയെന്നു പ്ലീവിനു കൃത്യമായി അറിയാമായിരുന്നു. അദ്ദേഹത്തിന്റെ നിർദേശപ്രകാരം സംഘാടകർ ഗൂഡെയ്‌ലിന്റെ ഗ്ലൗസ് പരിശോധിച്ചപ്പോൾ അതിനുള്ളിൽ വിരലിന്റെ അറ്റുപോയ ഭാഗം കണ്ടെത്തി.

English Summary: Former Olympic wrestler has finger torn off during MMA fight

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN OTHER SPORTS
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA