തോക്ക് താഴെവച്ചു; ഇഷിഹാര ഇനി ദേവാലയത്തിൽ

ടോക്കിയോ ∙ അസാകയിലെ ഷൂട്ടിങ്ങ് റേഞ്ചിൽ നിന്ന് നവോകോ ഇഷിഹാര നേരെ പോകുന്നത് തോക്ക് എടുക്കാൻ തന്നെ വിലക്കുള്ള ഒരിടത്തേക്കാണ്– ഇവിടെ നിന്ന് 100 കിലോമീറ്റർ അകലെയുള്ള കാനുമയിലെ ദേവാലയത്തിലേക്ക്. 1300 വർഷം പഴക്കമുള്ള ഷിന്റോമത ദേവാലയത്തിലെ പുരോഹിതയാണ് ഈ നാൽപ്പത്തിയാറുകാരി. വനിതകളുടെ സ്കീറ്റ് ഇനത്തിൽ 21–ാം സ്ഥാനത്താണ് ഇഷിഹാര എത്തിയത്. ഇഷിഹാരയുടെ പിതാവ് കെയ്ഷിയും പുരോഹിതൻ ആയിരുന്നു. 1968 മെക്സിക്കോ സിറ്റി ഒളിംപിക്സിൽ ഷൂട്ടിങ്ങിൽ മത്സരിച്ചിട്ടുമുണ്ട്!