മദ്രാസ് ജേതാക്കൾ

കോട്ടയം ∙ ദക്ഷിണ മേഖല അന്തർസർവകലാശാല വനിതാ ബാസ്കറ്റ്ബോൾ കിരീടം മദ്രാസ് സർവകലാശാലയ്ക്ക്. ലീഗ് അടിസ്ഥാനത്തിൽ നടന്ന സെമിഫൈനൽ മത്സരങ്ങളിൽ മദ്രാസ്, ചെന്നൈ എസ്ആർഎം, ബെംഗളൂരു ജെയിൻ സർവകലാശാലകൾ 2 വീതം മത്സരങ്ങൾ ജയിച്ചെങ്കിലും പോയിന്റ് വ്യത്യാസത്തിന്റെ അടിസ്ഥാനത്തിൽ മദ്രാസ് ജേതാക്കളായി. എസ്ആർഎം 2–ാം സ്ഥാനത്തും ജെയിൻ 3–ാം സ്ഥാനത്തും എത്തി. 3 മത്സരങ്ങളിലും പരാജയപ്പെട്ട എംജി സർവകലാശാലയാണു നാലാമത്. 4 ടീമുകളും അഖിലേന്ത്യാ ചാംപ്യൻഷിപ്പിനു യോഗ്യത നേടി. 

English Summary: Inter University women's basketball: Madras wins