ലോക ചാംപ്യനെ അട്ടിമറിച്ച് ലക്ഷ്യ സെൻ; പുരുഷ ഡബിൾസിൽ ചിരാഗ്– സാത്വിക് സഖ്യം

ന്യൂഡൽഹി ∙ ഈ വർഷത്തെ ആദ്യ രാജ്യാന്തര ബാഡ്മിന്റൻ ടൂർണമെന്റിൽ ഇന്ത്യയ്ക്ക് ഇരട്ടക്കിരീട തിളക്കം. ഇന്ത്യൻ ഓപ്പൺ ബാഡ്മിന്റൻ പുരുഷ സിംഗിൾസിൽ ലോക ചാംപ്യൻ സിംഗപ്പൂരിന്റെ ലോ കീൻ യൂവിനെ അട്ടിമറിച്ച് ഇരുപതുകാരൻ ലക്ഷ്യ സെൻ  ജേതാവായി (24–22, 21–17).

പുരുഷ ഡബിൾസിൽ ഇന്തൊനീഷ്യയുടെ ഒന്നാം സീഡ് സഖ്യത്തെ അട്ടിമറിച്ച് ഇന്ത്യയുടെ ചിരാഗ് ഷെട്ടി – സാത്വിക് സായ്‌രാജ് സഖ്യം ജേതാക്കളായി (21–16, 26–24). ഇന്ത്യൻ ഓപ്പൺ 500 ടൂർണമെന്റിൽ ഇന്ത്യൻ ടീം ഡബിൾസ് ജേതാക്കളാകുന്നത്  ഇതാദ്യമാണ്.

English Summary:  Lakshya Sen beats world champion to claim India Open title