മനോരമ ബോൺ സാന്തേ മാരത്തൺ: റജിസ്റ്റർ ചെയ്യാം
Mail This Article
കൊച്ചി ∙ ഫിറ്റ്നസിന്റെ പ്രാധാന്യം വിളിച്ചോതി മനോരമ ബോൺ സാന്തേ മാരത്തൺ മേയ് 29ന് തിരുവനന്തപുരം, കൊച്ചി, കോഴിക്കോട് നഗരങ്ങളിലായി നടക്കും. 5 കിലോ മീറ്റർ, 10 കിലോ മീറ്റർ എന്നിങ്ങനെ രണ്ടു വിഭാഗങ്ങളിലാണ് മത്സരം. എട്ടു വയസ്സിനു മുകളിലുള്ളവർക്ക് പങ്കെടുക്കാം. കുടുംബത്തോടൊപ്പം ഉത്സവപ്രതീതിയോടെ കൂട്ടയോട്ടത്തിൽ പങ്കെടുക്കാനുള്ള അവസരമാണ് ഒരുക്കിയിരിക്കുന്നത്. ബോൺ സാന്തേ എന്ന ഫ്രഞ്ച് വാക്കിന്റെ അർഥം നല്ല ആരോഗ്യം എന്നാണ്.
ഓരോ വിഭാഗത്തിലും ആദ്യ മൂന്നു സ്ഥാനങ്ങളിലെത്തുന്നവർക്ക് യഥാക്രമം 20,000, 10,000, 5,000 രൂപ ക്യാഷ് പ്രൈസും മെഡലും സർട്ടിഫിക്കറ്റും ലഭിക്കും. മാരത്തണിൽ പങ്കെടുക്കാനെത്തുന്നവർക്ക് ടീ ഷർട്ട്, പ്രഭാതഭക്ഷണം, സൗജന്യ മെഡിക്കൽ പരിശോധന എന്നിവയുമുണ്ടാകും. സെലിബ്രിറ്റികൾ ഉൾപ്പെടെ പങ്കെടുക്കുന്ന മാരത്തണിനു മുൻപ് സൂംബ, മിനിയോഗ, എയ്റോബിക് വ്യായാമങ്ങൾ എന്നിവയടങ്ങിയ വാംഅപ് പ്രോഗ്രാമിൽ പങ്കെടുക്കാനുള്ള അവസരവുമുണ്ട്.
മാരത്തണിൽ പങ്കെടുക്കാൻ www.manoramaevents.com എന്ന വെബ്സൈറ്റിലൂടെ മേയ് 20 വരെ റജിസ്റ്റർ ചെയ്യാം. 675 രൂപയാണ് റജിസ്ട്രേഷൻ ഫീസ്. വിവരങ്ങൾക്ക്: 8848308757 (തിരുവനന്തപുരം), 9995960500 (കൊച്ചി), 9746401709 (കോഴിക്കോട്).
English Summary: Manorama Bonne Sante Marathon on May 29