ഫൈവ്സ് ഹോക്കി: ഇന്ത്യ ജേതാക്കൾ

ലൗസേൻ (സ്വിറ്റ്സർലൻഡ്) ∙ പ്രഥമ രാജ്യാന്തര ഫൈവ്സ് ഹോക്കി ചാംപ്യൻഷിപ്പിന്റെ പുരുഷ വിഭാഗത്തിൽ ഇന്ത്യ ജേതാക്കൾ. ഫൈനലിൽ ഇന്ത്യ പോളണ്ടിനെ 6–4നു തോൽപിച്ചു. 3 ഗോളിനു പിന്നിലായ ശേഷമായിരുന്നു ഇന്ത്യയുടെ തിരിച്ചുവരവ്. സഞ്ജയ്, ഗുരീന്ദർ സിങ്, ധാമി ബോബി സിങ് (2 ഗോൾ), റഹീൽ മുഹമ്മദ് (2 ഗോൾ) എന്നിവരാണ് ഇന്ത്യയുടെ സ്കോറർമാർ. 10 ഗോളുകളോടെ റഹീൽ ടൂർണമെന്റിലെ ടോപ് സ്കോററായി. വനിതാ വിഭാഗത്തിൽ ദക്ഷിണാഫ്രിക്കയോട് 4–4 സമനില വഴങ്ങിയ ഇന്ത്യൻ ടീം ഫൈനലിലെത്തിയില്ല.

English Summary: FIH Hockey5s Lausanne 2022: Indian men beat Poland to lift inaugural trophy