പരുക്കേറ്റതു മത്സരത്തിനിടെ; കോമൺവെൽത്തിന് മേരികോം ഇല്ല
Mail This Article
×
ന്യൂഡൽഹി ∙ ഇടംകാലിനു പരുക്കേറ്റ വനിതാ ബോക്സിങ് താരം എംസി മേരികോം ഇംഗ്ലണ്ടിലെ ബർമിങ്ങാമിൽ അടുത്തമാസം ആരംഭിക്കുന്ന കോമൺവെൽത്ത് ഗെയിംസിനില്ലെന്നു പ്രഖ്യാപിച്ചു. ഇന്ദിരാഗാന്ധി ഇന്റർനാഷൽ സ്റ്റേഡിയത്തിൽ നടന്ന ട്രയൽ ഇവന്റിനിടെയാണ് മേരികോമിനു പരുക്കേറ്റത്. 48 കിലോഗ്രാം സെമിഫൈനലിൽ ഹരിയാനയുടെ നീതുവിനെതിരായ മത്സരത്തിന്റെ ആദ്യ റൗണ്ടിലാണ് മേരികോമിനു പരുക്കേറ്റത്. മുപ്പത്തൊമ്പതുകാരി ബോക്സർ പരുക്ക് വകവയ്ക്കാതെ വീണ്ടും മത്സരത്തിനിറങ്ങിയെങ്കിലും ഏറെനേരം തുടരാൻ കഴിയാതെ പിൻവാങ്ങുകയായിരുന്നു. മേരികോമിനെ പിന്നീട് ആശുപത്രിയിൽ പ്രവേശിപ്പിച്ചു. ആറുവട്ടം ലോകചാംപ്യനായിട്ടുള്ള മേരികോം 2018 കോമൺവെൽത്ത് ഗെയിംസിലെ സ്വർണമെഡൽ ജേതാവാണ്.
English Summary: Mary Kom Withdraws From Commonwealth Games Trials After Sustaining Leg Injury
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.