പ്രണോയ് സെമിയിൽ

ജക്കാർത്ത ∙ ലോക 13–ാം നമ്പർ ഡെൻമാർക്കിന്റെ റാസ്മസ് ഗെംകെയെ നേരിട്ടുള്ള സെറ്റുകൾക്കു തോൽപിച്ച് മലയാളി താരം എച്ച്. എസ്. പ്രണോയ് ഇന്തൊനീഷ്യൻ ഓപ്പൺ സൂപ്പർ 1000 ബാഡ്മിന്റൻ സെമിഫൈനലിൽ. ഇന്ത്യ ചരിത്രവിജയം നേടിയ തോമസ് കപ്പ് ടൂർണമെന്റും ഗെംകെയെ കീഴടക്കിയ പ്രണോയ് സമാനപ്രകടനമാണ് ഇവിടെയും ആവർത്തിച്ചത്. 

സ്കോർ: 21–14, 21–12. ക്വാർട്ടർ ഫൈനൽ മത്സരം 40 മിനിറ്റിനുള്ളിൽ അവസാനിച്ചു. ലോക 23–ാം നമ്പർ താരമായ പ്രണോയ് 2–ാം തവണയാണ് ഇന്തൊനീഷ്യൻ ഓപ്പണിന്റെ സെമിയിലെത്തുന്നത്. ചൈനയുടെ സാവോ ജുൻ പെങ്ങാണ് സെമിയിൽ പ്രണോയിയുടെ എതിരാളി.

English Summary: Indonesia Open: Prannoy enters semi