അത്ര വേഗം മറക്കില്ല!
Mail This Article
കായികചരിത്രത്തിലെ ഏറ്റവും ഹൃദയഭേദകമായ ദൃശ്യങ്ങളിലൊന്നാണ് തകർന്നടിഞ്ഞ ഈ കാർ. ബ്രസീലിയൻ ഫോർമുല വൺ താരം അയർട്ടൻ സെന്നയുടെ വില്യംസ് റെനോ കാർ ആണിത്. 1994 മേയ് ഒന്നിന് ഇറ്റലിയിലെ ഇമോളയിൽ സാൻ മറീനോ ഗ്രാൻപ്രി മൽസരത്തിനിടയിലുണ്ടായ ഈ അപകടത്തിലാണ് സെന്ന മരണത്തിനു കീഴടങ്ങിയത്. മൽസരത്തിന്റെ 7–ാം ലാപ്പിൽ 180 മൈൽ വേഗത്തിൽ ഒന്നാമതായി കുതിക്കുമ്പോൾ സെന്നയുടെ കാർ കോൺക്രീറ്റ് ഭിത്തിയിൽ ഇടിക്കുകയായിരുന്നു. മൂന്നു തവണ ലോകചാംപ്യനും 41 റേസുകളിൽ ഒന്നാമനുമായിരുന്നു സെന്ന.
ദേശീയ ബഹുമതികളോടെയാണ് ബ്രസീൽ സെന്നയ്ക്ക് അന്ത്യയാത്ര നൽകിയത്. 1994ൽ ഫുട്ബോൾ ലോകകപ്പ് സ്വന്തമാക്കിയപ്പോൾ ബ്രസീൽ ടീം ആ വിജയം സമർപ്പിച്ചത് തങ്ങളുടെ പ്രിയപ്പെട്ട സെന്നയ്ക്കായിരുന്നു. സാൻ മറീനോ സർക്യൂട്ടിലെ വളവിനടുത്ത് അദ്ദേഹത്തിന്റെ ഒരു വെങ്കല പ്രതിമ സ്ഥാപിച്ചിട്ടുമുണ്ട്.
Content Highlights: Formula 1, Ayrton Senna da Silva