കോമൺവെൽത്ത്: ഇന്ത്യൻ വനിതകൾക്ക് തോൽവി; വെങ്കല പോരാട്ടം ഞായറാഴ്ച

ബർമിങ്ങാം∙ കോമൺവെൽത്ത് ഗെയിംസ് ഹോക്കിയിൽ ഇന്ത്യൻ വനിതകൾക്ക് തോൽവി. സെമിഫൈനലിൽ ഓസ്ട്രേലിയയോടാണ് ഇന്ത്യ പരാജയപ്പെട്ടത്. ഷൂട്ടൗട്ടിലേക്കു നീണ്ട മത്സരത്തിൽ 3–0 എന്ന സ്കോറിനാണ് ഓസീസ് ജയം.

ഫുൾടൈമിൽ ഇരുടീമുകളും 1–1 എന്നു സമനില പാലിച്ചതോടെയാണ് മത്സരം ഷൂട്ടൗട്ടിലേക്കു നീണ്ടത്. ഞായറാഴ്ച, വെങ്കല മെഡലിനായി ന്യൂസിലൻഡിനോടാണ് ഇന്ത്യയുടെ പോരാട്ടം.

കോമൺവെൽത്ത് ഗെയിംസിന്റെ എട്ടാംദിനം മൂന്നു സ്വർണം ഉൾപ്പെടെ ആറു മെഡലുകളാണ് ഇന്ത്യ നേടിയത്. മൂന്നു സ്വർണവും ഗുസ്തിയിലാണ്. ബജ്‌രംഗ് പൂനിയ, സാക്ഷി മാലിക്ക്, ദീപക് പൂനിയ എന്നിവരാണ് ഇന്ത്യയ്ക്കായി സ്വർണം ഇടിച്ചിട്ടത്.

English Summary: CWG 2022 India vs Australia Women's Hockey Semi-final