പ്രണോയ് പൊരുതി വീണു

ഓസാക ∙ മലയാളി താരം എച്ച്.എസ്.പ്രണോയ് ജപ്പാൻ ഓപ്പൺ ബാഡ്മിന്റനിൽ തോറ്റു പുറത്തായി. ക്വാർട്ടറിൽ ചൈനീസ് തായ്പേയിയുടെ ചൗ ചെന്നിനോടാണു പൊരുതി കീഴടങ്ങിയത്.  (21-17, 15-21, 22-20). ഒരു മണിക്കൂർ 20 മിനിറ്റ് നീണ്ട മത്സരത്തിൽ ആദ്യ ഗെയിം നേടിയത് ചെന്നാണ്. രണ്ടാം ഗെയിമിൽ പ്രണോയ് ഉജ്വലമായി തിരിച്ചടിച്ചു. അവസാന നിമിഷം വരെ ആവേശപ്പോരാട്ടം നടന്ന മൂന്നാം ഗെയിമിൽ മാച്ച് പോയിന്റ് അവസരം കൈവിട്ടാണ് പ്രണോയി തോൽവി വഴങ്ങിയത്.

English Summary: Japan Open: HS Prannoy Loses In Quarterfinals After Valiant Effort