കൗൺസിൽ വോളിബോൾ ടീം മതിയെന്ന് ഹൈക്കോടതി

കൊച്ചി ∙ ദേശീയ ഗെയിംസിൽ പങ്കെടുക്കാനായി കേരള വോളിബോൾ അസോസിയേഷൻ നൽകിയ കളിക്കാരുടെ പട്ടിക പിൻവലിക്കാൻ കേരള ഒളിംപിക് അസോസിയേഷനു ഹൈക്കോടതി നിർദേശം നൽകി. കേരള സ്പോർട്സ് കൗൺസിലിന്റെ നിർദേശത്തിന്റെ അടിസ്ഥാനത്തിൽ തയാറാക്കിയ പട്ടിക മുന്നോട്ടുവയ്ക്കാനും എത്രയും വേഗം ഇക്കാര്യത്തിൽ നടപടിയെടുക്കാനും ജസ്റ്റിസ് വി.ജി.അരുൺ ഉത്തരവിട്ടു. 27 മുതൽ നടക്കുന്ന ദേശീയ ഗെയിംസിൽ പങ്കെടുക്കാനായി സ്പോർട്സ് കൗൺസിൽ തിരഞ്ഞെടുത്ത പുരുഷ വോളിബോൾ ടീമിലെ അംഗങ്ങൾ നൽകിയ ഹർജിയിലാണു ഹൈക്കോടതി ഉത്തരവ്. കോഴിക്കോട് സ്വദേശി അൻസാബ് ഉൾപ്പെടെയുള്ള കളിക്കാരാണു ഹൈക്കോടതിയെ സമീപിച്ചത്.

Content Highlights: Kerala volleball team, High court