ബാഡ്മിന്റൻ: ചന്ദ്രജിത്ത്–റോണി ജേതാക്കൾ

കോലഞ്ചേരി ∙ ദക്ഷിണ മേഖല അന്തർ സംസ്ഥാന ബാഡ്മിന്റൻ ചാംപ്യൻഷിപ്പിലെ അണ്ടർ 19 ബോയ്സ് ഡബിൾസിൽ കേരളത്തിന്റെ സി.എച്ച്. ചന്ദ്രജിത്ത്–റോബൻസ് റോണി സഖ്യം ജേതാക്കൾ. ഫൈനലിൽ ആന്ധ്രയുടെ ഭാർഗവ് റാം അറിഗേല–വിശ്വ തേജ് ഗോബുരു സഖ്യത്തെയാണു തോൽപിച്ചത് (21–9, 21–15). ഗേൾസ് ഡബിൾസ് ഫൈനലിൽ കേരളത്തിന്റെ സി.എച്ച്. കീർത്തിക–നയന ഒയാസിസ് സഖ്യം തമിഴ്നാടിന്റെ ശ്രേയ ബാലാജി–എൻ. ശ്രീനിധി സഖ്യത്തോടു തോറ്റു (14–21, 21–13, 13–21). സീനിയർ സിംഗിൾസ് പുരുഷ, വനിതാ വിഭാഗം ചാംപ്യൻമാർ: ഡി.എസ്.സനീഷ്, ധൃതി യതീഷ് (ഇരുവരും കർണാടക).

സീനി. പുരുഷ ഡബിൾസ്:  ഹരിഹരൻ അംശകരുണൻ–റൂബൻ കുമാർ (തമിഴ്നാട്). സീനി. വനിതാ ഡബിൾസ്:  അപേക്ഷ നായക്–രമ്യ വെങ്കിടേഷ്. മിക്സ്ഡ് ഡബിൾസ്: എച്ച്.വി. നിധിൻ–ജനനി അനന്തകുമാർ. ഇവരോടു ഫൈനലിൽ തോറ്റതു കേരളത്തിന്റെ  രോഹിത് ആർ. ജയകുമാർ–ദിവ്യ അരുൺ സഖ്യം. ജൂനി. സിംഗിൾസ് പുരുഷ, വനിതാ കിരീടങ്ങൾ: തുഷാർ സുവീർ (കർണാടക), വി.ഡി. മേദിനി (തമിഴ്നാട്). ജൂനി. മിക്സഡ് ഡബിൾസ്: ആർ. അരുൾമുരുകൻ–എൻ. ശ്രീനിധി (തമിഴ്നാട്).