ദ്യുതിയും ഹിമയും വീണു; ജ്യോതി, അംലൻ വേഗതാരങ്ങൾ

അഹമ്മദാബാദ് ∙ ദേശീയ, രാജ്യാന്തര ചാംപ്യൻമാരായ ദ്യുതി ചന്ദും ഹിമ ദാസും മത്സരിച്ച വനിതാവിഭാഗം 100 മീറ്ററിൽ സ്വർണം നേടി ആന്ധ്രയുടെ താരം ജ്യോതി യാരാജി മീറ്റിന്റെ വേഗതാരമായി. 11.51 സെക്കൻഡിലാണ് ജ്യോതിയുടെ ഫിനിഷിങ്. 11.74 സെക്കൻഡിൽ ഫിനിഷ് ചെയ്ത ഹിമ ദാസ് ഏഴാം സ്ഥാനത്തായി. 11.69 സെക്കൻഡിൽ ഫിനിഷ് ചെയ്ത ദ്യുതി ആറാം സ്ഥാനത്തും. ഹർഡിൽസിലെ ദേശീയ റെക്കോർഡ് ജേതാവായ ജ്യോതി 100 മീറ്ററിലേക്കു മാറിയപ്പോൾ നേടിയതു മിന്നും ജയം. പുരുഷ വിഭാഗത്തിൽ അസമിന്റെ അംലൻ ബൊർഗോഹനാണു വേഗതാരം. 10.38 സെക്കൻഡിലാണ് അംലന്റെ ഫിനിഷിങ്.

English Summary: National Games: Amlan Borgohain and Jyothi Yarraji emerge fastest man and woman