റാങ്കിങ്ങിൽ ലക്ഷ്യ സെന്നിനു വീഴ്ച

ന്യൂഡൽഹി∙ ബാഡ്മിന്റൻ ലോക റാങ്കിങ്ങിൽ പുരുഷ സിംഗിൾസിൽ ഇന്ത്യയുടെ ലക്ഷ്യ സെൻ ആദ്യ ഇരുപതിൽ നിന്നു പുറത്ത്. ഇന്നലെ നിലവിൽ വന്ന റാങ്കിങ്ങിൽ 6 സ്ഥാനം നഷ്ടപ്പെട്ട് 25–ാം റാങ്കിലാണു ലക്ഷ്യ. കഴിഞ്ഞ നവംബറിൽ 6–ാം സ്ഥാനത്തെത്തിയതാണ് കരിയറിലെ മികച്ച റാങ്കിങ്. മലയാളി താരം എച്ച്.എസ്.പ്രണോയ് 9–ാം റാങ്ക് നിലനിർത്തിയപ്പോൾ കിഡംബി ശ്രീകാന്ത് 20–ാം റാങ്കിലെത്തി. വനിതാ സിംഗിൾസിൽ പി.വി.സിന്ധു ഒൻപതാമതും സൈന നെഹ്‌വാൾ 32–ാം സ്ഥാനത്തുമാണ്.

വനിതാ ഡബിൾസിൽ ഗായത്രി ഗോപീചന്ദും മലയാളി താരം ട്രീസ ജോളിയും ഉൾപ്പെട്ട സഖ്യം ഒരു സ്ഥാനം താഴേക്കിറങ്ങി 18–ാം റാങ്കിലെത്തി.

English Summary: Lakshya Sen falls in the ranking