35–1 ഫൈവ്സ് ഹോക്കിയിൽ ജപ്പാനെ തകർത്ത് ഇന്ത്യ

സലാല (ഒമാൻ) ∙ ഫൈവ്സ് ഹോക്കി ലോകകപ്പ് ഏഷ്യൻ യോഗ്യതാ ചാംപ്യൻഷിപ്പിൽ ജപ്പാനെ 35–1നു തകർത്ത് ഇന്ത്യ സെമിയിൽ. മനീന്ദർ സിങ് ഇന്ത്യയ്ക്കായി 10 ഗോൾ നേടി. മുഹമ്മദ് റഹീൽ 7 തവണയും പവൻ രാജ്ഭർ, ഗുർജോത് സിങ് എന്നിവർ 5 തവണ വീതവും ലക്ഷ്യം കണ്ടു. സുഖ്‌വീന്ദർ സിങ് 4 ഗോളും ക്യാപ്റ്റൻ മൻദീപ് 3 ഗോളും നേടി. ജുഗ്‌രാജ് സിങ്ങാണ് ഒരു ഗോൾ നേടിയത്. ഇടവേളയിൽ ഇന്ത്യ 18–0നു മുന്നിലായിരുന്നു. ഇന്നലെ ആദ്യ മത്സരത്തിൽ ഇന്ത്യ മലേഷ്യയെ 7–5നു തോൽപിച്ചു. 

ഗുർജോത് സിങ് ഇന്ത്യയ്ക്കായി 5 ഗോൾ നേടി. എലീറ്റ് പൂളിൽ 12 പോയിന്റോടെ രണ്ടാം സ്ഥാനക്കാരായാണ് ഇന്ത്യ സെമിയിലെത്തിയത്.

English Summary: India enter into the semi finals of fives hockey