ബർലിൻ ∙ വനിതാ മാരത്തണിൽ ലോക റെക്കോർഡ് തിരുത്തി ഇത്യോപ്യൻ താരം ടൈജസ്റ്റ് ആസിഫ. ബർലിൻ മാരത്തണിലായിരുന്നു ഇത്യോപ്യൻ താരത്തിന്റെ റെക്കോർഡ് പ്രകടനം. 2 മണിക്കൂർ 11 മിനിറ്റ് 53 സെക്കൻഡിലാണ് ഇരുപത്തിയേഴുകാരിയായ ആസിഫ 42.2 കിലോമീറ്റർ ഓട്ടം ഫിനിഷ് ചെയ്തത്. 2019ൽ കെനിയയുടെ ബ്രിഗിഡ് കോസ്ഗെ സ്ഥാപിച്ച റെക്കോർഡാണ് (2 മണിക്കൂർ 14 മിനിറ്റ് 4 സെക്കൻഡ്)  തിരുത്തിയത്. റെക്കോർഡ് പ്രകടനത്തോടെ അടുത്ത വർഷത്തെ ഒളിംപിക്സ് യോഗ്യതയും ആസിഫ നേടി.

English Summary: Women's marathon: Asifa sets world record