ഹാങ്ചോ∙ ഏഷ്യൻ ഗെയിംസിൽ ഇന്ത്യയ്ക്ക് ആറാം സ്വർണം. 10 മീറ്റർ എയർ പിസ്റ്റലിൽ ചൈനയെ പിന്തള്ളിയാണ് ഇന്ത്യയുടെ സ്വർണം. അർജുൻ ചീമ, സരബ്ജോത് സിങ്, ശിവ് നർവ എന്നിവരടങ്ങിയ സംഘം ഒരു പോയിന്റ് വ്യത്യാസത്തിലാണ് ചൈനയെ മറികടന്നത്. അതേസമയം വനിതകളുടെ 60 കിലോ വുഷുവിൽ ഇന്ത്യൻ താരം റോഷിബിന ദേവി വെള്ളി മെഡൽ നേടി.

ഫൈനലില്‍ ചൈനയുടെ വു സിയാവെയോടാണ് റോഷിബിന തോറ്റത്. അശ്വാഭ്യാസം ഡ്രസേജ് ഫൈനലിൽ ഇന്ത്യയുടെ അനുഷ് അഗര്‍വല വെങ്കലം നേടി. ഇന്ത്യയുടെ മെഡൽ നേട്ടം 25 ആയി ഉയർന്നു. ആറ് സ്വർണം, എട്ട് വെള്ളി, 11 വെങ്കലം എന്നിങ്ങനെയാണ് ഇന്ത്യ ഇതുവരെ നേടിയിട്ടുള്ളത്.

English Summary: Asian Games 2023, Live Updates