ഓരോ തവണ ഒളിംപിക്സിലും ഏഷ്യൻ ഗെയിംസിലും മത്സരിച്ചു മടങ്ങുമ്പോൾ ഒക്സാന ഷുസോവിറ്റിന മനസ്സിൽ കരുതും– ഇനിയൊരു വരവില്ല! പക്ഷേ അടുത്ത ഗെയിംസിന് സമയമാകുമ്പോൾ മനസ്സു മാറും; ഇത്തവണ കൂടി! 48–ാം വയസ്സിൽ തന്റെ 5–ാം ഏഷ്യൻ ഗെയിംസിൽ ജിംനാസ്റ്റിക്സിൽ മത്സരിക്കാൻ ഒരുങ്ങുകയാണ് ഉസ്ബെക്കിസ്ഥാന്റെ ഈ ഇതിഹാസതാരം. ഇതുവരെ നേടിയത് 2 സ്വർണവും 4 വെള്ളിയും 2 വെങ്കലവും. ഇത്തവണ ഹാങ്ചോയിൽ വോൾട്ട്, ബാലൻസ് ബീം ഇവന്റുകളിലാണ് ഒക്സാന മത്സരിക്കുന്നത്. 1992 ബാർസിലോന ഒളിംപിക്സിൽ പതിനേഴുകാരിയായി അരങ്ങേറിയ ഒക്സാന 2021 ടോക്കിയോ വരെ മത്സരിച്ചത് 8 ഒളിംപിക്സുകളിൽ. മൂന്നു പതിറ്റാണ്ടിനിടെ 3 വ്യത്യസ്ത ടീമുകൾക്കു വേണ്ടി 2 ഒളിംപിക് മെഡലുകളും സമ്പാദ്യം.

English Summary: Oksana never retires!