ഏതാണ്ട് 50 വർഷത്തെ കാത്തിരിപ്പിനൊടുവിൽ ഏഷ്യൻ ഗെയിംസ് അത്‌ലറ്റിക്സ് വേദിയിൽ വീണ്ടും സിംഗപ്പുരിന്റെ ദേശീയഗാനം മുഴങ്ങി. ഇന്നലെ വനിതകളുടെ 200 മീറ്റർ ഫൈനലിൽ ഒന്നാമതെത്തിയ ശാന്തി പെരേരയാണ് ഏഷ്യൻ ഗെയിംസിൽ 50 വർഷമായി സിംഗപ്പുർ നേരിട്ട സ്വർണമെഡൽ വറുതിക്ക് അറുതി വരുത്തിയത്. 1974ൽ നടന്ന ടെഹ്റാൻ ഗെയിംസിൽ വനിതകളുടെ 400 മീറ്ററിൽ ചൂ സ്വീ ലീ നേടിയ സ്വർണമായിരുന്നു അത്‌ലറ്റിക്സിൽ ഒടുവിലത്തേത്. കോട്ടയം ജില്ലയിലെ പാലായിൽ വേരുകളുള്ള ശാന്തി പെരേര കഴിഞ്ഞ ദിവസം 100 മീറ്ററിൽ വെള്ളി‌യും നേടിയിരുന്നു.

English Summary: Shanti Perera won the 200m final in asian games