തിരുവനന്തപുരം∙ ഗ്രാൻഡ്മാസ്റ്റർമാരായ ആർ.പ്രഗ്നാനന്ദയും മലയാളി നിഹാൽ സരിനും ആദ്യമായി നേർക്കുനേർ വന്ന മത്സരത്തിൽ പ്രഗ്നാനന്ദയ്ക്കു വിജയം. 10 റൗണ്ട് ബ്ലിറ്റ്സ് മത്സരത്തിൽ പ്രഗ്നാനന്ദ 7.5 പോയിന്റും നിഹാൽ സരിൻ 2.5 പോയിന്റും നേടി. കേരള–ക്യൂബ താരങ്ങൾ ഏറ്റുമുട്ടിയ പ്രഥമ ചെ രാജ്യാന്തര ചെസ് ഫെസ്റ്റിവലിന്റെ ഭാഗമായാണ് ഇരുവരും മത്സരിച്ചത്.  ഉച്ചയ്ക്കു ശേഷം ഇരുവരും 16 വീതം കുട്ടികൾക്കൊപ്പം ക്ലാസിക് മത്സരങ്ങൾ കളിച്ചു. ചെസ് ഫെസ്റ്റിവൽ ഇന്നലെ അവസാനിച്ചു.