ദേശീയ സീനിയർ പുരുഷ ഹാൻഡ്ബോൾ: ഹിമാചൽപ്രദേശിനെ തകർത്ത് കേരളം ക്വാർട്ടറിൽ

ചങ്ങനാശേരി∙ ദേശീയ സീനിയർ പുരുഷ ഹാൻഡ്ബോളിൽ കേരളം ക്വാർട്ടറിൽ കടന്നു. 30ന് എതിരെ 37 ഗോളുകൾക്ക് ഹിമാചൽപ്രദേശിനെ തകർത്താണ് കേരളത്തിന്റെ മുന്നേറ്റം. ശനിയാഴ്ച വൈകിട്ട് നടക്കുന്ന ക്വാർട്ടർ ഫൈനലിൽ കേരളം ഉത്തർപ്രദേശിനെ നേരിടും.

കേരളത്തിനും ഉത്തർപ്രദേശിനും പുറമേ ആന്ധ്രപ്രദേശ്, സർവീസസ്‌, റെയിൽവേ, പഞ്ചാബ്, ചത്തിസ്ഗഡ്, ചണ്ഡിഗഡ് എന്നീ ടീമുകളും ക്വാർട്ടറിൽ കടന്നു. കഴിഞ്ഞ വർഷത്തെ ജേതാക്കളായ ഹരിയാനയെ 23നെതിരെ 27 ഗോളുകൾക്ക് പ്രീക്വാർട്ടറിൽ അട്ടിമറിച്ചാണ് റെയിൽവേ ക്വാർട്ടറിൽ പ്രവേശിച്ചത്.