sections
MORE

വനിതകളിൽ സെറീന–ഹാലെപ് ഫൈനൽ; നദാൽ–ഫെഡറർ പോരാട്ടം ഇന്ന്

serena-williams
സെറീന വില്യംസ്
SHARE

ലണ്ടൻ ∙ ലോക ടെന്നിസിലെ സൂപ്പർ പോരാട്ടം ഇന്ന്. വിമ്പിൾഡൻ പുരുഷ സിംഗിൾസ് സെമിയിൽ സ്പാനിഷ് താരം റാഫേൽ നദാലും സ്വിറ്റ്സർലൻഡ് താരം റോജർ ഫെഡററും ഇന്ത്യൻ സമയം ഇന്നു രാത്രി 7.30ന് ഓൾ ഇംഗ്ലണ്ട് ക്ലബ്ബിലെ സെന്റർ കോർട്ടിൽ നേർക്കുനേർ. ഫെഡറർ 21 ഗ്രാൻസ്‌ലാം സിംഗിൾസ് കിരീടങ്ങൾ നേടിയപ്പോൾ നദാലിനുള്ളത് 18. വിമ്പിൾഡൻ കിരീടങ്ങളിലും ഫെഡററാണ് കേമൻ– 8. നദാലിനു 2 കിരീടങ്ങൾ. സെർബിയൻ താരം നൊവാക് ജോക്കോവിച്ചും സ്പാനിഷ് താരം റോബർട്ടോ ബാറ്റിസ്റ്റ അഗുട്ടും തമ്മിലാണ് ആദ്യ സെമി ഫൈനൽ.

വനിതാ വിഭാഗം സിംഗിൾസ് ഫൈനലിൽ നാളെ അമേരിക്കൻ താരം സെറീന വില്യംസ് റുമാനിയൻ താരം സിമോണ ഹാലെപിനെ നേരിടും. ഇന്നലെ നടന്ന സെമിഫൈനലുകളിൽ ഇരുവരും അനായാസം ജയിച്ചു കയറി. ചെക്ക് റിപ്പബ്ലിക് താരം ബാർബറ സ്ട്രൈക്കോവയെ 6–1,6–2നു തകർത്താണ് സെറീന 11–ാം വിമ്പിൾഡൻ ഫൈനലിലേക്കു കുതിച്ചെത്തിയത്. കരുത്തുറ്റ സെർവുകളും ഫോർ ഹാൻഡുകളുമായി കളം നിറഞ്ഞ സെറീനയ്ക്കു മുന്നിൽ സ്ട്രൈക്കോവയ്ക്കു മറുപടിയുണ്ടായില്ല. യുക്രെയ്നിന്റെ എലിന സ്വിറ്റോലിനയെയാണ് ഹാലെപ് 6–1,6–3ന് തകർത്തു വിട്ടത്. വിമ്പിൾഡൻ ഫൈനലിലെത്തുന്ന ആദ്യ റുമാനിയൻ താരമാണ് ഹാലെപ്.

English Summary: Wimbledon 2019, Serena Williams and Simona Halep surge into final

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN TENNIS
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA