മൽസരത്തിനിടെ പരുക്കേറ്റ് പിൻമാറി; യുഎസ് ഓപ്പണിൽനിന്ന് ജോക്കോവിച്ച് പുറത്ത്

വാഷിങ്ടൻ∙ ഒന്നാം സീഡ് നൊവാക് ജോക്കോവിച്ച് യുഎസ് ഓപ്പണ്‍ ടെന്നീസിൽനിന്നു പരുക്കേറ്റു പുറത്ത്. നാലാം റൗണ്ടിൽ സ്റ്റാൻ വാവ്റിങ്കയ്ക്കെതിരായ മൽസരത്തിനിടെ വലത് മുതുകിൽ വേദന അനുഭവപ്പെട്ടതിനെ തുടർന്ന് ജോക്കോവിച്ച് പിൻമാറുകയായിരുന്നു.

6–4, 7–5, 2–1 എന്ന സ്കോറിൽ പിന്നിൽ നിൽക്കെയാണ് താരം കളിയിൽനിന്നു പിൻമാറിയത്. 32 വയസ്സുകാരനായ സെർബിയൻ സൂപ്പർ താരം 37 ഗ്രാന്‍ഡ് സ്ലാം മൽസരങ്ങളിൽ 36ലും വിജയിച്ച ചരിത്രമാണുള്ളത്. ബുധനാഴ്ച രണ്ടാം റൗണ്ട് പോരാട്ടങ്ങൾക്കിടെ തന്നെ ജോക്കോയ്ക്ക് മുതുക് വേദന അനുഭവപ്പെട്ടിരുന്നു. ജോക്കോവിച്ചിന്റെ പിൻമാറ്റത്തോടെ വാവ്റിങ്ക ക്വാർട്ടറിൽ കടന്നു.

English Summary: Novak Djokovic retires with injury, Stan Wawrinka reaches quarter-finals