ആഷ്‌ലി ബാർട്ടിക്ക് ഡബ്ല്യുടിഎ കിരീടം

ഷെൻഷെൻ (ചൈന) ∙ ഓസ്ട്രേലിയൻ താരം ആഷ്‌ലി ബാർട്ടിക്ക് ഡബ്ല്യുടിഎ ഫൈനൽസ് ടെന്നിസ് കിരീടം. ഫൈനലിൽ യുക്രെയ്ൻ താരം യെലിന സ്വിറ്റോലിനയെയാണ് ബാർട്ടി തോൽപിച്ചത് (6–4,6–3). 4.42 ദശലക്ഷം യുഎസ് ഡോളർ (ഏകദേശം 31 കോടി രൂപ) സ്വന്തമാക്കിയ ബാർട്ടി പുരുഷ–വനിതാ ടെന്നിസിൽ ഇതുവരെയുള്ള ഏറ്റവും ഉയർന്ന സമ്മാനത്തുകയും സ്വന്തം പേരിൽ കുറിച്ചു. നിലവിലെ ഫ്രഞ്ച് ഓപ്പൺ ചാംപ്യനായ ബാർട്ടി ഇതോടെ ലോക ഒന്നാം നമ്പർ റാങ്ക് അരക്കിട്ടുറപ്പിക്കുകയും ചെയ്തു.