എടിപി കപ്പ്: ഓസ്ട്രേലിയ സെമിയിൽ

സിഡ്നി ∙ ആവേശകരമായ പോരാട്ടത്തിൽ ബ്രിട്ടനെ 2–1നു കീഴടക്കി ആതിഥേയരായ ഓസ്ട്രേലിയ എടിപി കപ്പ് ടെന്നിസിന്റെ സെമിയിൽ കടന്നു.

ആദ്യ സിംഗിൾസിൽ നിക് കിർഗിയോസ് 6–2, 6–2നു കാം നോ

റിയെ തോൽപിച്ചതോടെ ഓസ്ട്രേലിയ 1–0നു മുന്നിലെത്തി. എന്നാൽ, 2–ാം സിംഗിൾസിൽ ബ്രിട്ടന്റെ ഡാൻ ഇവാൻസ് ആതിഥേയരുടെ അലക്സ് ഡിമിനോറിനെ മറികടന്നതോടെ (7–6 (7–4), 4–6, 7–6 (7–2) ഇരുടീമുകളും ഒപ്പത്തിനൊപ്പം.

നിർണായകമായ ഡബിൾസിൽ ആദ്യ സെറ്റ് നഷ്ടപ്പെട്ടിട്ടും തിരിച്ചടിച്ച കിർഗിയോസ് – ഡിമിനോർ സഖ്യം ജയ്മി മറി–ജോ സാലിസ്‍ബറി കൂട്ടുകെട്ടിനെ മറികടന്നതോടെ) ഓസ്ട്രേലിയ സെമിയിൽ.