ഫ്രഞ്ച് ഓപ്പൺ: തീം മുന്നോട്ട്

പാരിസ് ∙ യുഎസ് ഓപ്പൺ ചാംപ്യൻ ഓസ്ട്രിയയുടെ ഡൊമിനിക് തീം ഫ്രഞ്ച് ഓപ്പൺ ടെന്നിസിൽ 2–ാം റൗണ്ടിലെത്തി. ക്രൊയേഷ്യയുടെ മരിൻ സിലിച്ചിനെ 6–4, 6–3, 6–3നാണു തീം മറികടന്നത്. യുഎസ് ഓപ്പൺ റണ്ണറപ് ജർമനിയുടെ അലക്സാണ്ടർ സ്വരേവ് ഡെന്നിസ് നൊവാക്കിനെയും തോൽപിച്ചു (7–5, 6–2, 6–4). ബ്രിട്ടന്റെ ആൻഡി മറെയെ തോൽപിച്ചു സ്റ്റാൻ വാവ്റിങ്കയും 2–ാം റൗണ്ടിൽ കടന്നു (6–1, 6–3, 6–2). വനിതകളിൽ ബ്രിട്ടന്റെ യൊഹാന കോണ്ടയെ യുഎസ് കൗമാരതാരം കൊക്കോ ഗോഫ് അട്ടിമറിച്ചു. 

English Summary: French open tennis