മെദ്വദെവ്, സിറ്റ്സിപാസ് ക്വാർട്ടറിൽ; അസറങ്കയെ അട്ടിമറിച്ച് പാവ്ലിചുങ്കോവ
Mail This Article
പാരിസ് ∙ ഫ്രഞ്ച് ഓപ്പൺ ടെന്നിസ് പുരുഷ സിംഗിൾസിൽ റഷ്യൻ താരം ഡാനിൽ മെദ്വദെവും ഗ്രീക്ക് താരം സ്റ്റെഫാനോസ് സിറ്റ്സിപാസും ക്വാർട്ടറിൽ. 2–ാം സീഡായ മെദ്വദെവ്, പ്രീക്വാർട്ടറില് ചിലെയുടെ ക്രിസ്റ്റിൻ ഗാരിനെയും (6–2,6–1,7–5) 5–ാം സീഡ് സിറ്റ്സിപാസ് സ്പാനിഷ് താരം പാബ്ലോ കാരേനോ ബുസ്റ്റയെയുമാണ് (6-3 6-2 7-5) തോൽപിച്ചത്. വനിതകളിൽ മുൻ ലോക ഒന്നാം നമ്പർ താരം വിക്ടോറിയ അസറങ്കയെ റഷ്യയുടെ അനസ്താസിയ പാവ്ലിചുങ്കോവ (5-7,6-3,6-2) അട്ടിമറിച്ചു. തോൽവിക്കു പിന്നാലെ മത്സരത്തിന്റെ സമയക്രമം നിശ്ചയിച്ചതിൽ വിമർശനവുമായി അസറങ്ക രംഗത്തെത്തി. ടൂർണമെന്റിൽ ഇതുവരെ നടന്ന 7 രാത്രി സെഷനുകളിൽ ആറിലും പുരുഷൻമാരുടെ മത്സരങ്ങൾ മാത്രമാണ് ഉൾപ്പെടുത്തിയതെന്നായിരുന്നു വിമർശനം.
English Summary: French Open: Medvedev to face Tsitsipas in high-octane quarter-final clash