സ്വരേവ് സെമിയിൽ
Mail This Article
പാരിസ് ∙ സ്പെയിന്റെ അലയാന്ദ്രോ ഫൊകിനയെ തകർത്ത് ജർമനിയുടെ അലക്സാണ്ടർ സ്വരേവ് ഫ്രഞ്ച് ഓപ്പൺ ടെന്നിസിൽ സെമിയിലെത്തി. സ്കോർ: 6–4, 6–1, 6–1. വനിതകളിൽ, സീഡ് ചെയ്യപ്പെടാത്ത സ്ലൊവേനിയൻ താരം തമാര സിദാൻസെക് സെമിയിലെത്തി. സ്പെയിന്റെ പൗള ബഡോസയെയാണു തോൽപിച്ചത് (7–5, 4–6, 8–6). ഗ്രാൻസ്ലാം സെമിയിലെത്തുന്ന ആദ്യ സ്ലൊവേനിയൻ വനിതയാണു തമാര. ലോക 35–ാം റാങ്കുകാരിയായ ബഡോസയെ 85–ാം റാങ്കുകാരിയായ തമാര ഏറെ പ്രയാസപ്പെട്ടാണ് അട്ടിമറിച്ചത്. സെറീന വില്യംസിനെ അട്ടിമറിച്ചെത്തിയ കസഖ്സ്ഥാന്റെ എലേന റിബക്കിനയെ ക്വാർട്ടറിൽ തോൽപിച്ച റഷ്യയുടെ അനസ്താസിയ പാവ്ലുചെങ്കോവയാണു സെമിയിൽ തമാരയുടെ എതിരാളി. 3 സെറ്റ് നീണ്ട പോരാട്ടത്തിലാണു പാവ്ലുചെങ്കോവയുടെ ജയം (6–7, 6–2, 9–7).
English Summary: French Open 2021: Alexander Zverev Powers into First French Open Semi-final