ബൊപ്പണ്ണ– രാംകുമാർ സഖ്യത്തിനു കിരീടം

അഡ്‌ലെയ്ഡ് ∙ രോഹൻ ബൊപ്പണ്ണ–രാംകുമാർ രാമനാഥൻ സഖ്യത്തിന് അഡ്‌ലെയ്ഡ് ഇന്റർനാഷനൽ ടെന്നിസ് ടൂർണമെന്റിൽ പുരുഷ ഡബിൾസ് കിരീടം. ഫൈനലിൽ ഒന്നാം സീഡായ ഇവാൻ ഡോഡിഗ്–മാർസലോ മെലോ കൂട്ടുകെട്ടിനെയാണ് ഇന്ത്യൻ സഖ്യം തോൽപിച്ചത് (7–6,6–1). ബൊപ്പണ്ണയുടെ 20–ാം എടിപി ഡബിൾസ് കിരീടമാണിത്. രാംകുമാറിന്റെ ആദ്യ കിരീടവും. ഓസ്ട്രേലിയൻ ഓപ്പൺ സിംഗിൾസ് യോഗ്യതാ റൗണ്ടിൽ മത്സരിക്കാനൊരുങ്ങുന്ന രാംകുമാറിന് ആത്മവിശ്വാസം പകരുന്നതാണ് ഈ ജയം. 

English Summary: Bopanna-Ramkumar win Adelaide doubles title